O Rosal acolleu un seminario sobre sustentabilidade e economía verde

O Centro Social Multiusos de O Rosal acolleu o pasado día 10 de novembro o obradoiro 'Sustentabilidade do sector primario no río Miño transfronteirizo'. Este evento foi presentado pola alcaldesa do Rosal, Angela Fernández Callís, e representantes do AECT Rio Minho.

O obradoiro presentou o Observatorio das Dinámicas Transfronteirizas (ODT) do Río Miño, así como un informe sobre sustentabilidade e economía verde, elaborado polo ODT.

Tamén se abriu un debate sobre a aplicación práctica da nova economía sustentable nas empresas do sector da planta ornamental e da viticultura. O debate foi presentado pola alcaldesa de Tomiño, Sandra González Alvarez, e participaron María Victoria Alvarez Fernández, presidenta da Asociación de Cultivos do Baixo Miño (ACUBAM), José Augusto Martíns, responsable de Raiz da Terra, Emilio Rodríguez Canas, director técnico de Terras Gauda e Armando Fontainhas, presidente de Adega Cooperativa Agrícola Regional de Monção. Todas as persoas participantes debateron sobre as implicacións efectivas do novo modelo de sustentabilidade na produción vexetal e na viticultura, sectores relevantes no sector primario do territorio do Miño.

Un resumo da actividade pode ser visto nesta ligazón.